Laureus Sommerlager und Besuch Edith Hunkeler
Jupiju
und jupihee!!
Ritferiä ufem Islikerhof sind superschö.
Alli Tag 2 Fribi rite,
spilerisch lerne, so chunsch witer.
Volte, Wendige, aberutsche,
Cavalettis trabe, am Weiher go götsche.
Am nöchste Tag vürschi rite und wieder stopp,
bimene Buechstabe denn grad Galopp.
Stange träte, anderi Chinde gseh,
ohni Sattel spürsch vil meh.
Flissig Rössli pfläge,
usse umerite – bi Sunne und bi Räge.
Wenn di Grosse uf de Platz gönd go gumpe,
lönd sich Lena und Jessica bi eus au nid lumpe,
zeiged eus vili Tricks und Trampolin-Sache
und tüend herzlich mit eus lache.
Ame Nomittag häts vil Bsuech gä.
De Bruno hät all umegfüert, das loht er sich nöd nä.
Uf em Platz obe händ di grosse Chind mit de Ross gschafft,
mir Chline ide Halle de Jagdsitz gmacht.
Denn simmer d’Stäge zu de andere uf
dRoss sind überhaupt nid gstolperet mit de Huf.
Mir laufed en grosse Chreis ume Frau.
Sie lueget uf eusi Ross-Füess zimli gnau,
aber mir passed fescht uf uf ihre Rädlischtuel und sie
Sie lachet fründlich und rugelet sogar zude Haya hi.
Ganz vil Lüt filmed und föteled eus,
aber das isch uf dem Hof nüüt Neus,
denn Anderi wänd öppis über euses Feriäläbe wüsse,
wänd selber gse, wiä mirs chönd gnüsse.
Zum Spass loht sich diä blondi Frau no vode Haya chüsse!